第(2/10)节
    「话时话，点解会知道我喺呢度？」

    只好兜弯承认：「去咗转新悦声，亚豪话我知你将接咗手嘅场全部交晒畀福生，如果唔係喺油塘就係喺海度。」

    「睇嚟为咗刮我都嘥咗你唔少时间。」朗青口咧三分，乐她不打自招。

    「嗰两间cb一个月假假哋都有成十几皮嘢，咁多着数转手唔係好蚀咩？」

    「我唔卖粉?，田寿辉d场，惊接手都起唔到身咋。」喝空剩馀啤酒，他摩挲指腹：「成日打生打死搵钱，不如摆捻低把青，带住d细喺度呃两餐饭食好过。」

    阿羽的嘴角随细浪颠簸住家艇的节奏柔缓伏荡，凹显梨涡，轻上眉梢，浅笑分解得一波三折：「所以话可以搵到你係我好彩，我唔识游水，落海就浸死。」

    「唔好咁讲，山水有相逢，搵我又唔係搵神仙。」

    「如果神仙有用，我都唔使嚟麻烦青哥。」

    如他所料，带不明不白的校衫仔前来，九成九百分百找他兑现随口一噏的帮忙承诺。

    「讲啦，咩事？」

    对迭毛诗滑出黑皮褸虚掩的曼妙，落桌推呈朗青碗边。

    有意思，见惯捞女换条仔朝三暮四，头一回见飞女拜大佬朝秦暮楚，堪比港岛古惑界吕奉先。

    比达白花油联想到久违的吸新血开香堂，娘柄则不同频，阿羽掏利是动作如此裁行云剪流水，在他脑中反復演绎。

    「无事三百六，有事三千六，今次我唔係嚟拜山，只係想请青哥帮手刮个人。」

    朗青怔愣回神，缓慢交迭双臂，虬实筋肉勾绞强劲荷尔蒙，掛住微笑意不可明，剎那烘热对方耳垂。

    「家阵人哋都话我朗青回晒塘，做个蜑家佬冇厘火气咁，论or论迭马，我边有得同其他大阿哥挥你过咗东星嗰瓣泊乌鸦码头，刮人呢啲嘢，搵佢咪得囉？」

    婉拒脱口而出，降格自嘲还明抬暗讽，事先预计最糟糕的结果比想像难堪，指她旧年言行不一，趋炎附势，回敬响亮巴掌。

    一切误会无从解释，车里三句起两句止的攀谈构不成交情，朗青保她这位名义上的「反骨仔」不被追究，是他仁至义尽，她怎敢盲目到访，扔几张湿碎钱就理直气壮？

    海面疲曳，沮丧不着边际，白腹海鵰振翼飞向鲤鱼门灯塔，消失成狰狞红点在耳畔「啊啊」嘶鸣，毛诗静悄悄横陈桌台，加深尷尬。

    杯底白白浮沫，娘柄刚撬啟啤酒樽，手中倏一空，变戏法般被阿羽夺去。gar`s  gold精酿，管叫绝情师奶变十月芥菜，几人目定口呆下，倒灌饮尽一滴不剩，苦涩麦芽裹柑橘气息开闢沟渠，引导情绪洪流倾泻而出。

    「青哥，田寿辉嗰单嘢得你睇住，都係我呢个羊牯唔识做。」

    整瓶酒酽熏闷，巾幗不让鬚眉染两抹天然粉晕，明摆对酒量缺少自知之明：「你就当我过嚟赔罪。」

    朗青一时话语栓塞，眼睁睁看她攞第二瓶、第三瓶，桌角铡飞水盖，咕嘟声上了发条不可收拾。

第(2/10)节